🕉️

दैनिक सत्संग

📅 20 ऑगस्ट 2025 (बुधवार)
August 20, 2025 (Wednesday)
दिवस 4

आत्मदेव::

लेखक: प.पु.श्री.अशोककाका शास्त्री

मराठी सत्संग

आत्मदेव:- मनुष्य जन्मास येऊन घरातल्या संस्कारा प्रमाणे वेग वेगळ्या देवाची पुजा करतो, रुढी परंपरा पाहून आपणही पुजा प्रार्थना करीत जातो. कोणत्याही देवाचं साक्षात दर्शन घडलेलं नसत. तरीही विश्र्वास व श्रद्धा नी आपल मनोभाव त्या देवासमोर व्यक्त करतो. सोमवारी महादेव, मंगळ वारी मारुतीच, बुधवारी सरस्वती, गुरू वारी दत्ताच, शुक्रवारी लक्ष्मीचं, शनिवारी शनी देवतेच, व रविवारी सूर्य देवाचं असे जीवनात अनेक देवी देवतांचे पूजन करतो. सर्व करण्याचा उद्देश हेच असतो की संसार सुखानी शांतीनी पुढे चालत जावे. जेथे तुमची ईच्छा पूर्ण होऊ लागते त्या देवावर जास्तीच विश्र्वास बसतो. बारकाईन पाहिलं तर तुमची इच्छा, तुमचं विश्र्वास असल्याने, तुमचे काम पूर्ण होत असते पण शंभर टक्के नाही, विस ते पंचवीस टक्केच. तुम्हास असा भास होतो की पुढच्या देवामुळ काम झाल म्हणुन. पण प्रत्यक्षात तसं नाही तुम्ही देवासमोर हात जोडून डोळे बंद करून पूर्ण एकाग्रतेने तुमची इच्छा व्यक्त करता व ती प्रार्थना तुमच्या आत असलेल आत्मा ती पूर्ण करतो. खर पाहता तुमचा आत्माच ईश्वर असुन जीवनातील प्रत्येक ईच्छा तोच पूर्ण करीत आला आहे व पुढेही करतो. खर पाहता जीवन सुखी आनंदी करण्यास मनुष्याने एकच देवाची / गुरूची पूजा करावे, ते महादेव असेल तर स्वतः आत्म्यास महादेव समजुन ध्यान पूजा करीत असावे, असेच कोणी राम, तर कोणी कृष्ण, माऊली, तर कोणी विठ्ठल, आपल्या आवडी नुसार एकाच शक्तीची उपासना करीत जावे ते सर्व आपल्या आत्मदेवालाच समजुन, त्याच्यानी फार लाभ होतो, विश्र्वास ,श्रद्धा व एकाग्रता वाढत जाते. जीवन सुखी व सरळ होऊन जात. तसेच आम्ही जीवनात बरेचं गुरु देखील करतो व त्यांचे दर्शन घेऊन आशिर्वाद घेतो. सर्व देवांची पूजा व अनेक गुरु कडे जातो, त्याच मुख्य कारण म्हणजे जीवन सुखमय व शांत होण्या करीताच. पण अस शोधण चालूच राहत ,तेंव्हा पर्यन्त जेंव्हा तुम्हाला अती समीप असलेला देवाचं/ईश्वराचे दर्शन होत नाही. तो ईश्वर तुमचा आत्मदेवच आहे. हा ईश्वर सदगुरु च्या कृपेनें दिव्य नेत्रानी तुमच्या आतच दिसते. एकदा तुम्हास तुमच स्व आत्माच दर्शन घडले कि तेंव्हा कुठे तुमची जीवनाची धावपळ थांबते. मन तृप्त समाधानी होऊन संतोष आनंदी होते. मग जीवनाचं खर आनंद प्राप्त होऊन तुम्ही जीवन मुक्त होता.🪷🕉️🌺🙏🏻